O pleno do C.R. do Ribeiro aprobou as normas que rexerán a vendima desta campaña. Polo momento só se dan recollidas puntuais naquelas parcelas que xa alcanzaron o grao idóneo pero, en xeral, non se agarda que o groso dos traballos comece ata a semana do 29 de setembro, sempre que a climatoloxía acompañe. Nese sentido, o tempo dos últimos días, con sol e calor, permitiu que a maduración collese un ritmo axeitado. A vendima estará controlada nesta D.O. por un total de trinta e cinco veedores.
Por outra banda, o presidente do C.R., Luis Anxo Rodríguez, informou ao pleno que a empresa Eurogap realizou xa a presentación da proposta do plan de márketing, no que se inclúen accións para os tres vindeiros anos.
Por outra banda, o presidente do C.R., Luis Anxo Rodríguez, informou ao pleno que a empresa Eurogap realizou xa a presentación da proposta do plan de márketing, no que se inclúen accións para os tres vindeiros anos.