O Consello Regulador da Denominación de Orixe Ribeiro regresou moi satisfeito da súa gran cita na capital española, onde presentou os viños amparados nesta D.O. a un público selecto. Fiel ao formato de pasadas edicións, a D.O. Ribeiro celebrou o seu salón-degustación de novidades. Quince adegas participaron nesta iniciativa que brinda aos profesionais do sector a posibilidade de reforzar a relación cos viños do Ribeiro, mediante un contacto directo cos produtores e a degustación da nova carta de referencias.
O acto estivo secundado por numerosos profesionais do sector que, desde primeira hora, se achegaron ao Hotel Miguel Ángel de Madrid, en pleno corazón da cidade, para intercambiar impresións coas adegas participantes neste escaparate de produto, dirixido a consolidar a presenza dos viños de Ribeiro nun dos principais núcleos de influencia de España.
O acto estivo secundado por numerosos profesionais do sector que, desde primeira hora, se achegaron ao Hotel Miguel Ángel de Madrid, en pleno corazón da cidade, para intercambiar impresións coas adegas participantes neste escaparate de produto, dirixido a consolidar a presenza dos viños de Ribeiro nun dos principais núcleos de influencia de España.