A Axencia Galega de Desenvolvemento Rural (Agader) organiza catro talleres para formar a profesionais de produtos agroalimentarios na creación e deseño de produtos turísticos de calidade. Estes talleres, que se enmarcan dentro do proxecto Cantata2, terán lugar en Palas de Rei, Vilalba, Folgoso do Caurel e Riós. Este produto turístico configúrase en base a catro produtos vertebradores: queixos, castaña, mel e aves de curral criadas tradicionalmente. A finalidade é achegar ao visitante ao medio rural, aos seus procesos produtivos, a súa gastronomía, paisaxe e cultura.
O proxecto Cantata2, cofinanciado con fondos FEDER a través do programa Interreg IVB, ten por obxectivo un desenvolvemento integral do medio rural galego a través da promoción dos seus produtos agroalimentarios e do seu potencial turístico para contribuír a mellorar a competitividade das empresas e a diversificación económica das zonas rurais galegas. Para iso, púxose en marcha un produto turístico innovador que leva como nome “Os camiños dos sabores de Galicia”.
O proxecto Cantata2, cofinanciado con fondos FEDER a través do programa Interreg IVB, ten por obxectivo un desenvolvemento integral do medio rural galego a través da promoción dos seus produtos agroalimentarios e do seu potencial turístico para contribuír a mellorar a competitividade das empresas e a diversificación económica das zonas rurais galegas. Para iso, púxose en marcha un produto turístico innovador que leva como nome “Os camiños dos sabores de Galicia”.