O 15º Salón da Alimentación do Atlántico, Salimat, celebrarase do 16 ao 19 de xuño no Recinto Feiral de Galicia, en Silleda. Volverá a constituírse no verdadeiro punto de encontro dos profesionais do sector da alimentación e centrará a súa temática na internacionalización e na xeración de negocio.Volverán celebrarse os Encontros de Compradores tanto internacionais como nacionais, coa presenza de profesionais de diversos países, ademais de España. Ademais, potenciarase Alinova, un área exclusiva destinada a que os expositores amosen os seus últimos lanzamentos ao mercado e que na pasada edición dou a coñecer sesenta alimentos.