A XIX edición do Concurso Internacional de Viños de Montaña de Aosta, que este ano se celebrará entre o 7 e o 9 de xullo, volverá contar coa participación de viños da denominación de orixe Ribeira Sacra. Nese sentido, o Consello Regulador lembra que este martes remata o prazo de inscrición para aquelas adegas que queiran participar.O certame de Aosta é un dos máis importantes a nivel internacional no ámbito da viticultura de montaña, da que en España só existe como representante a D.O. Ribeira Sacra. De feito os requisitos para poder participar no Concurso pasan por tratarse de viñedos que presentan dificultades estruturais permanentes do tipo: altitude superior a 500 metros, pendente do terreo superior ao 30% (en puntos da D.O. Ribeira Sacra chégase ao 70%) ou sistemas vitícolas en terrazas de cultivo.
O certame ten carácter internacional e ano tras ano, os resultados que obtén a D.O. Ribeira Sacra son moi satisfactorios.