![](https://blogger.googleusercontent.com/img/b/R29vZ2xl/AVvXsEiqQnUhXUtG_dUKsrPloyzX9EWEPBEUtTbgqlF8JqsJdG1Eklx1FhDP4o11Tt47E-53sh8qhhavLBGG4cG61Itj73k5m3XDFJ34YSEtNsI1yKhvKMghoScpeBqVEP3LT9b1hVnRYX_uMnDS/s200/vi%25C3%25B1edo.jpg)
De acordo coa Lei 24/2003, da viña e do viño, tales prácticas están tipificadas como infraccións graves, ao ter incumprido o regulamento da devandita D.O. acadando rendementos superiores aos límites establecidos para dita campaña. A multa nestes casos, consonte a dita lei, está comprendida entre os 2.001 e os 30.000 euros.
Sen embargo, e para graduar a sanción á infracción cometida, e sobre todo á contía do beneficio obtido, a propia Lei faculta á Consellería, no seu artigo 44.2, a minorar de xeito motivado a multa imposta, especialmente cando non existan circunstancias agravantes, senón máis ben atenuantes (ao non haber reincidencia) e tendo en conta o volume de produción. Ademais, neste caso apréciase polo instrutor do expediente que a sanción proposta resulta excesivamente onerosa para o sector implicado.