A Consellería de Cultura e Turismo, a través da Dirección Xeral do Patrimonio Cultural, fai publica hoxe no Diario Oficial de Galicia a resolución pola que se incoa o expediente para a declaración de Ben de Interese Cultural, coa categoría de monumento, en favor do Pazo de Fefiñáns, no termo municipal de Cambados (provincia de Pontevedra).O Pazo de Fefiñáns atópase no centro da vila de Cambados, ergueito sobre unha construción anterior. A estrutura do Pazo de Fefiñáns corresponde aos primeiros anos do século XVII. Trátase dun pazo semiurbano, situado na antiga praza do Mercado, hoxe de Fefiñáns. A planta, en forma de L, consta de baixo e piso, a primeira dedicada a adega e explotación comercial de viño albariño e a segunda a vivenda dos propietarios actuais do pazo.