A Denominación de Orixe Ribeiro recibiu un total de 16 galardóns no concurso “Distincións Gallaecia 2011”, no que se presentaron tódalas D.O. Galegas. O último panel de cata tivo lugar onte, 30 de agosto, no Pazo Torre Vilariño (O Saviñao-Lugo). Deste xeito, a D.O. Ribeiro resultou a máis premiada do concurso. As Distincións entregaranse nun acto a celebrar a finais de ano.
Os catadores que outorgaron os premios destacaron a extraordinaria calidade dos viños do Ribeiro, resaltando a importante evolución que tivo esta Denominación de Orixe nos últimos anos, chegando ao nivel de distinción que hoxe se pon de manifesto cos magníficos resultados acadados. Os viños do Ribeiro en xeral destacaron pola súa elegancia, complexidade e frescor.
Os brancos premiados foron 1932 de Pazo de Vieite 2010, Colección Costeira Treixadura 2010, Colección Costeira Treixadura barrica 2009, Cuñas Davia 2010, Cuñas Davia barrica 2009, Eduardo Peña 2010, Gomaríz X 2010, Lagar do Meréns 2010, Pazo Lodeiro 2010, Sanclodio 2010, Sumum 2010, Viña Mein barrica 2009. En tintos los distinguidos resultaron Cuñas Davia 2009 y Hush 2009.
Na D.O. Ribeira Sacra obtiveron distinción, en Brancos, Algueira 2010 de Algueira; Sollío 2010 de Victorino Álvarez Rodríguez e Viña Vella 2010 de SAT Virxe dos Remedios; mentras que en tintos foron para Algueira 2008, Cruceiro Rexio 2008 de Ramón Marcos Fernández; Don Ramón 2008, Finca A Cuarta 2010 de Santa Mª de Nogueira, Portelo 2010 de Terras de Líncora, Regina Expresión 2008 de Regina Viarum e Sollío 2010 de Victorino Álvarez Rodríguez