A Consellería do Mar promocionará a marca PescadeRías nos supermercados pertencentes aos grupos Gadisa, Vegalsa e Froiz. A campaña, que comezará o 1 de decembro, desenvolverase nos 488 establecementos que os tres grupos de alimentación posúen en Galicia. O obxectivo da campaña –como detallou a conselleira, Rosa Quintana- é promover e impulsar o peixe e o marisco galegos, acadar a súa diferenciación e incrementar a súa competitividade.Para impulsar a imaxe da marca, a Consellería distribuirá 30.000 folletos co receitas de produtos do mar, 1.150 carteis co lema “Sabes en quen podes confiar” e 500 pinchos de xeo, para indicar o prezo dos produtos de PescadeRías nos supermercados de Gadisa, Vegalsa e Froiz.
Reinstalación de bivalvos. Por outra banda, a Consellería do Mar vén de publicar no DOG a Orde pola que se declaran e clasifican as novas zonas de reinstalación de moluscos bivalvos procedentes de zonas C, logo de estar exposto o borrador na páxina web durante 15 días. As zonas están situadas nas rías de Ferrol e Aldán.