A secretaria xeral para o Turismo, Carmen Pardo, impartiu esta mañá en Madrid a conferencia “A Política Turística da Xunta en materia de sostibilidade”, no marco do ‘Foro para a sostibilidade medioambiental do turismo FUTURALIA 2011’ organizado por el grupo Nexo. Pardo lembrou como “a sostibilidade é un elemento transversal á maioría das accións propostas no Plan de Acción do Turismo de Galicia, constituído por 56 actuacións” e enumerou iniciativas como a modelización das infraestruturas e o impulso á renovación e substitución de equipamentos envellecidos; a recuperación de camiños e paraxes turísticos; o programa de orientación e estímulo para recuperación de augas residuais, aforro de enerxía e mellora nos procesos de reciclaxe de residuos ou o deseño e desenvolvemento transversal de produtos de natureza, culturais e dobres produtos, integrando termalismo e outras actividades complementarias.Como exemplo das iniciativas turísticas da Xunta de Galicia que potencian e fomentan a sostibilidade dos recursos galegos, a secretaria xeral para o Turismo fixo referencia aos iniciativas de promoción do Turismo Ornitolóxico, os centros de Bicicleta Todo Terreo (BTT), ao Camiño de Santiago, o termalismo e os novos produtos cabeceira de Marca.