O 31,9% dos fogares galegos cambiaron os seus hábitos de compra nos últimos tres meses e mercaron marcas brancas e produtos en oferta para reducir gastos, aumentar os ingresos ou afrontar pagos, segundo a Enquisa conxuntural a fogares correspondente ao cuarto trimestre de 2011.
Este traballo, realizado polo Instituto Galego de Estatística (IGE), recolle tamén que o 29,3% diminuíu outros gastos comúns, como roupa, calzado e transporte nos últimos tres meses do ano pasado.
Por outra banda, o 34,4% dos fogares da comunidade non realizou gastos extra durante este período, como poden ser vacacións ou viaxes ou grandes compras, e non puideron aforrar, traballar menos horas ou deixar de traballar algún membro do fogar.
Non obstante, o 42% das familias galegas ten pensado saír a cear, a cafeterías, ir ao cine ou ao teatro nos próximos tres meses, o 24,4% cre que fará algún extra en produtos de alimentación; o 14,9% algunha compra extraordinaria en roupa e calzado e o 13,9% ten previsto aforrar algo.
En canto a grandes compras que teñen que seguir pagando os fogares galegos, no último trimestre de 2011 o 17,3% dos fogares galegos estaban pagando a vivenda principal que compraron, o 8,5% o coche e o 2,6% unha segunda vivenda.
Este traballo, realizado polo Instituto Galego de Estatística (IGE), recolle tamén que o 29,3% diminuíu outros gastos comúns, como roupa, calzado e transporte nos últimos tres meses do ano pasado.
Por outra banda, o 34,4% dos fogares da comunidade non realizou gastos extra durante este período, como poden ser vacacións ou viaxes ou grandes compras, e non puideron aforrar, traballar menos horas ou deixar de traballar algún membro do fogar.
Non obstante, o 42% das familias galegas ten pensado saír a cear, a cafeterías, ir ao cine ou ao teatro nos próximos tres meses, o 24,4% cre que fará algún extra en produtos de alimentación; o 14,9% algunha compra extraordinaria en roupa e calzado e o 13,9% ten previsto aforrar algo.
En canto a grandes compras que teñen que seguir pagando os fogares galegos, no último trimestre de 2011 o 17,3% dos fogares galegos estaban pagando a vivenda principal que compraron, o 8,5% o coche e o 2,6% unha segunda vivenda.