O Foro de Directores de Hotel de Santiago reuniuse este martes para analizar asuntos relacionados cos principais obxectivos deste grupo de traballo. Entre outras conclusións, os asistentes falaron da “necesidade de promover a especialización turística e de negocios do aeroporto de Lavacolla, aproveitando a proxección exterior de Santiago e do fenómeno Xacobeo”.Neste sentido, Hostelería Compostela quere chamar a atención sobre “a importancia de aproveitar as vantaxes para a conectividade internacional que o aeroporto de Santiago ofrece para toda Galicia dende o punto de vista dos usuarios, con máis frecuencias, conexións e mellores prezos e dende o punto de vista turístico, polo que é esencial consolidar as conexións existentes e diversificar a oferta actual con enlaces con outras compañías de baixo custo e tradicionais”. Tamén se analizaron as liñas de colaboración con Turgalicia para realizar diferentes viaxes de familiarización, nas que “se bota en falla a presenza de operadores internacionais e xornalistas”.
O Foro de Directores de Hotel tamén analizou os datos de ocupación hoteleira nos últimos meses nos establecementos de Santiago e destacou a importancia que cobra actualmente o fomento do turismo internacional para melloralos. A este respecto, os directores dos hoteis están moi preocupados polas tendencias negativas que o sector turístico de Galicia está a manter nos últimos meses.
O Foro de Directores de Hotel tamén analizou os datos de ocupación hoteleira nos últimos meses nos establecementos de Santiago e destacou a importancia que cobra actualmente o fomento do turismo internacional para melloralos. A este respecto, os directores dos hoteis están moi preocupados polas tendencias negativas que o sector turístico de Galicia está a manter nos últimos meses.