O Instituto para a Calidade Turística Española (ICTE) vén de outorgar un total de seis certificados Q de Calidade aos portos deportivos galegos. Con este recoñecemento, Galicia sitúase como líder nacional ao ostentar a metade das distincións concedidas ás instalacións náutico recreativas en toda España.Neste segundo ano de existencia do recoñecemento aos portos, recibiron o galardón os clubes náuticos de Portonovo, Sada, Ribeira (foto), Ría de Ares, Ribadeo e Real Club Náutico de Vigo, que ven así certificada a súa calidade na prestación dos servizos. Estas distincións únense ao recoñecemento ambiental que recibiu a comunidade autónoma ao inicio do verán ao ser galardoada con 11 Bandeiras Azuis aos Portos de Galicia.