A organización da Festa do Queixo de Arzúa (2-4 de marzo) non pode estar máis satisfeita coa acollida que, un ano máis, está a ter o concurso de carteis. Ata o 31 de decembro anotáranse un total de 135 propostas, o que supón un novo récord na historia deste evento. De feito, cuadriplícase a media de todas as edicións anteriores.Chegaron orixinais de todas as provincias galegas, ademais de outras partes do Estado e mesmo de Portugal. Todos os carteis que entran no concurso están expostos na Capela da Madalena e poderanse visitar ata o día 31 de xaneiro.
O certame outorga catro premios, que contan cunha dotación económica de 600, 300 e 100 euros para os tres primeiros. Ademais, compleméntanse con agasallos como fins de semana e xantares en aloxamentos de turismo rural. A elección dos gañadores realizarase o vindeiro día 12, mediante a votación dun xurado (para os tres primeiros premios) e a votación popular, que elixirá o cuarto galardoado.