Economía e Industria, a través de Galicia Calidade, colaborará co proxecto Eixo Interior para a creación dun selo de excelencia que certificará os produtos tradicionais de calidade da eurorrexión Galicia-Norte de Portugal avalando a calidade dos mesmos. A este respecto, o xerente de Galicia Calidade, Carlos Vila, asinou o acordo de colaboración mediante o cal a sociedade pública dependente de Economía e Industria participará na selección destes produtos avaliando a súa idoneidade e adecuación aos pregos de condicións do selo, que terá o nome de “Excelencia”.O distintivo creado poderá ser empregado polos produtos que obteñan o certificado de uso nas súas embalaxes e promocións publicitarias como garante dunhas características comúns aos mesmos.