Dentro da estratexia de Hostelería Compostela de abrir as súas instalacións á sociedade e ao público xeral, o Centro de Formación e Cultura Gastronómica de Hostelería Compostela acolle esta tarde, a partir das 17 horas un obradoiro gastronómico para os membros do Colexio de Economistas de Galicia. Este obradoiro, que se vai desenvolver en dúas sesións, hoxe venres, 10 de xaneiro, e o vindeiro venres, 17 de xaneiro, en horario de tarde, vai ser impartido polo Xefe de Cociña do Centro de Formación e Cultura Gastronómica, Rafael García Triñanes.