Un ano máis, o Consello Regulador da D.O. Ribeiro acude á súa cita bienal co mercado nacional e internacional na feira Alimentaria, onde participa como expositor no stand da Xunta de Galicia no pavillón de Intervín, na que se reúnen prensa e axentes de mercado non só españois, senón das principais rexións vitivinícolas e de consumo do mundo. A feira permanecerá aberta ata o vindeiro xoves, 29 de marzo no recinto Fira Barcelona.O C.R.D.O. Ribeiro vai lavar a cabo dúas actividades dirixidas ao público especializado que se achega á feira. Onte tivo lugar unha presentación dos viños do Ribeiro en harmonía cos produtos transformados de PescadeRías. E o vindeiro xoves celebrarase unha cata denominada Evolución e Revolución dos Viños do Ribeiro, consistente nunha cata vertical e horizontal cun percorrido polas últimas 5 colleitas.