A sede do Consello Regulador da D.O. Rías Baixas acolle ata o 23 de marzo unha mostra de 11 artistas plásticos baixo o título “ÉL VINO”. O obxecto desta maridaxe entre viño e arte, na que participa a Asociación Galega de Arte e Cultura, é dar a coñecer a simboloxía do viño entre os artistas e a importancia que imprime a cultura do viño na nosa socidade.A mostra pode visitarse no Pazo de Mugartegui de luns a xoves en horario de 8.00 h a 15.00 h e de 16.00 h. a 19.00 h. e os venres, de 8.00 h. a 15.00 h.
Nesta mostra colectiva poderá contemplarse pintura, escultura e fotografía de coñecidos artistas de distinta factoría e formato, ente eles: Carmen Sevillano, Constantino Cuesta (foto: La bebedora de vino), Chuca Garrote, Esther Molinero ou Fran Lareo.