A Consellería de Cultura, Educación e
Ordenación Universitaria, organiza -o 7 e 8 de maio- as I Xornadas de
Formativas para Guías e Informadores Turísticos sobre o Parque Arqueolóxico da
Arte Rupestre de Campo Lameiro, que serán de carácter gratuíto. A través destas
xornadas, que están homologadas pola Secretaría Xeral de Turismo, preténdese dar a coñecer aos informadores e
guías turísticos os principais valores e contidos que se transmiten nesta
instalación, como fórmula para que os referidos profesionais poidan ofrecer aos
potenciais turistas unha información rigorosa e de calidade.
Os interesados en participar nesta xornada
formativa deberán remitir unha solicitude de participación ao enderezo
electrónico info@paar.es antes do 2 de maio. O Parque Arqueolóxico porase en
contacto cos admitidos aos efectos de confirmar a súa participación. En total
ofértanse 50 prazas e se o número de solicitudes superaran o número ofertado,
primarase a orde de chegada das solicitudes e a participación daqueles
solicitantes que teñen unha titulación relacionada co contido da visita ao
Parque Arqueolóxico da Arte Rupestre.