Últimas prazas para o curso de Servizos de Restaurante de Hostelería Compostela

(Foto: Hostelería Compostela)

Aínda quedan prazas libres para inscribirse no curso de Servizos de Restaurante que organiza Hostelería Compostela. Esta acción formativa gratuíta impartirase no Centro de Formación e Cultura Gastronómica de Santiago, sendo as probas de selección de aspirantes este xoves, 2 de agosto, ás 10.00 horas.

Os alumnos que queiran inscribirse só deben cumprir un requisito mínimo que é ter aprobado a ESO ou ata segundo de BUP e máis o Celga 2. As clases comezarán o 13 de agosto e finalizarán o 14 de decembro, para un total de 608 horas lectivas. O horario das clases será de 8.30 a 15.30 horas.