A presenza de Galicia no certame turístico máis importante do Estado
contará con importantes novidades. Así o explicou a secretaria xeral para o
Turismo, Nava Castro. Segundo explicou a secretaria xeral,
a presenza de Galicia neste evento acada gran importancia porque “se trata dun
dos certames turísticos de maior repercusión mundial no que o ano pasado
participaron máis de 9.500 empresas expositoras procedentes de 167 países ou
rexións, así como máis de 6.300 periodistas de 54 países”. En total, dixo, na
edición 2012 participaron máis de 200 mil persoas, entre profesionais e público
final.
Dende o día 30 de xaneiro ata o 3 de
febreiro, o stand de Galicia en Fitur ocupará na edición 2013 unha superficie
de 967 metros cadrados e continuará sendo o escaparate para a difusión da marca
turística galega Galicia, gárdasme o
segredo? na fase de promoción dos Produtos Cabeceira da Marca Galicia e das
experiencias turísticas que deles se derivan. Deste xeito, Galicia aposta
decididamente polas novas vías para gozar do destino e polo apoio directo á comercialización
turística e ao empresariado turístico.
Segundo explicou a secretaria xeral
para o Turismo, o stand de Galicia será o do ano pasado con algunhas
modificacións e novidades visuais. Se ben, os módulos nos que se dividirán
serán os seguintes: Xeodestinos, Experiencias, Turismo de Cidade e Camiño de
Santiago. Na súa intervención, Castro resaltou que “un dos espazos
tradicionalmente máis visitados no dedicado á nosa gastronomía, que será
atendido con gran profesionalidade polos alumnos do Centro Superior de
Hostelería de Galicia”. Tamén salientou que o custe do stand será un 30% menos que en 2012