O Ribeiro foi o viño oficial no cóctel de inauguración da
XIII edición do Congreso Internacional Ibercom, que nesta ocasión se está a
celebrar dende onte na Facultade de Ciencias da Comunicación da Universidade de
Santiago de Compostela. No acto, celebrado ás 19.30 de onte, asistiron máis de
150 persoas de todas as nacionalidades, participantes no congreso, e o viño do
Ribeiro estivo acompañado por produtos galegos con Indicación Xeográfica
Protexida.
Como actividade complementaria ao congreso, máis de 60
participantes no congreso realizaron un pequeno percorrido pola D.O. Ribeiro o
día previo á inauguración, seguido dun túnel dos viños do Ribeiro no Local
Social da Madalena, ubicado no barrio xudeu de Ribadavia, acompañado dun cóctel
de produtos galegos de calidade, harmonizados cos nosos viños. O obxectivo
principal para con estes axentes da comunicación, turismo e cultura era o de
achegarlle a nosa Denominación para que puideran comprobar de primeira man que
detrás do viño do Ribeiro hai moito máis, non só é o fluído, senón que hai
moita historia e cultura, viñedo e viticultores, así como adegueiros e unhas
especiais condicións agroclimatolóxicas; e que o conxunto de todo isto fai que
o Ribeiro sexa como é. Por todo elo, facilitamos que se involucren no mundo do
Ribeiro, xa que sentindo todas estas peculiaridades comprenderán plenamente o
viño do Ribeiro.