A directora
de Turismo de Galicia, Nava Castro, recibiu esta tarde na estación de
ferrocarril de Santiago de Un total de 43 xornalistas procedentes de España, Brasil, Estados Unidos, Alemaña, Italia,
Singapur, Arxentina, Venezuela, Suecia, Noruega, Finlandia, Inglaterra e México chegaron a Santiago no tren Al Andalus que por primeira vez na súa historia chjegou a capital galega.
Os xornalistas especializados difundirán internacionalmente este tren Al Andalus que realiza o Itinerario
Camiño de Santiago. A chegada do tren turístico a Galicia é posible grazas ao
acordo entre Renfe e a Xunta de Galicia, a través de Turismo de Galicia.
Está
previsto que durante o mes de xullo o tren visite dúas veces Compostela. As
dúas saídas previstas do percorrido Itinerario
Camiño de Santiago do Tren Al-Andalus son as seguintes: a primeira delas
partiu de Zaragoza o día 21 e a segunda farao o día 28 de xullo. Os viaxeiros da segunda quenda chegarán a Compostela o día 1
de agosto.
Os viaxeiros
que percorren o traxecto que une Zaragoza e Santiago de Compostela realizan o
Camiño de Santiago viaxando a bordo deste tren turístico de luxo. Inician a
viaxe na capital aragonesa e percorren A Rioxa e Castela-León ata chegar a
territorio galego. En Galicia fan paradas en Ourense, Vedra, Santiago de
Compostela, Vilagarcía de Arousa, Cambados, Vigo e Pontevedra ata A Coruña.
Esta nova
proposta combina a gran oferta gastronómica de primeiro nivel coa oportunidade
de descubrir paisaxes e de realizar
numerosas actividades relacionadas co turismo cultural.
O tren
consta de sete coches-suite, cinco deles construídos en Francia a finais dos
anos vinte. Os coches-salóns datan de entre 1928 e 1930. Trátase do máis amplo
tren turístico do mundo. Ten capacidade para 64 persoas distribuídas en 32
suites de diferentes tipoloxías.