Turismo
de Galicia, a Asociación Galega de Feiras
e Eventos e a Asociación de
Palacios de Congresos de Galicia asinaron un convenio
de colaboración para a promoción do turismo de negocios na comunidade. O
obxecto do acordo é a promoción conxunta de Galicia como destino turístico para
os viaxeiros de negocios.
En virtude deste acordo, AGAFE levará a cabo unha
campaña de promoción a través dun stand permanente en Expourense co obxecto de
informar aos profesionais e ao público nacional e internacional e captar novos
socios para o sector. De igual xeito levarán adiante actividades formativas coa
celebración de cursos para o segmento MICE e un curso de novas tecnoloxías para
o desenvolvemento dos produtos e servizos relacionados coas feiras, congresos e
eventos.
Deste
xeito preténdese atraer empresas promotoras e organizadoras de eventos á
comunidade; favorecer a eficiencia na xestión de infraestruturas e empresas
organizadoras así como a calidade do servizo ás empresas e organizacións de
clientes. De igual modo, impulsarase un plan de comunicación como instrumento
de marketing ao servizo das empresas e outros usuarios que proxecte unha imaxe
moderna e competitiva do destino.
Pola
súa banda, a Asociación de Palacios de Congresos de Galicia participará nunha
das feiras máis destacadas do sector MICE
–Meetings, incentives, conferences and exhibitions- a nivel internacional,
a EIBTM de Barcelona que se celebrará do 19 ao 21 de novembro, en calidade de
coexpositor no stand de Turespaña. O obxectivo desta acción é acadar a
promoción das instalacións dos palacios de congresos como sedes de reunións de
empresas e congresos.