 |
| Campamento saharauri |
A Consellería de Traballo e Benestar colabora este
ano coa Asociación “Solidariedade galega co pobo Saharaui” para promover o seu
programa “Vacacións en Paz”, a través dun convenio de colaboración dotado con
6.000 euros de orzamento.
A iniciativa consiste no traslado temporal
–durante os dous meses de verán- a Galicia de nenos e nenas saharauis
procedentes do campamento de refuxiados de Tindouf (Alxeria) para a súa estadía
en familias.
O obxectivo é ofrecerlles a oportunidade de
coñecer modos de vida distintos ao clima de guerra no que adoitan a estar
inmersos, co fin tamén de contribuír á súa formación persoal e enriquecer as
súas formas de comunicación e os seus coñecementos.
As familias que participan no programa teñen á súa
disposición o asesoramento da asociación, para axudarlles a solucionar aqueles
problemas ou incidencias que poidan xurdir. A entidade, ademais, conta co apoio
da Xunta á hora de facer fronte ante posibles incidencias.