A Consellería do Medio Rural e do Mar destina
5,5 millóns de euros a axudas para a reconversión e reestruturación de viñedo
para este 2014. O Diario Oficial de Galicia (DOG) publica hoxe as bases
reguladoras destas subvencións e a súa convocatoria para 2014.
Estas axudas
teñen por obxecto a posta en marcha de plans de
reestruturación e reconversión de viñedo na nosa Comunidade. Os beneficiarios destas subvencións son os
donos de superficies adicadas á produción de uva para vinificación nas
que se realicen actividade de reconversión varietal, reimplantación de viñedos
ou melloras nas técnicas de xestión dos cultivos, co fin de mellorar a
competitividade dos produtos vitivinícolas
Estas axudas diríxense a investimentos como o
arrinque, preparación de solo, plantación, custos de cultivo, emparrados, desinfección,
nivelación do terreo, socalcamento ou protección de planta nova, entre outros.
As solicitudes poderán presentarse en papel,
cubrindo os correspondentes formularios que aparecen como anexos da Orde, ou na
sede electrónica da Xunta: https://sede.xunta.es.
O prazo de presentación de solicitudes é dun mes contado a partir de mañá.