O Hostal dos Reis Católicos acolle por primeira vez a
presentación das actividades das III Xornadas de Portas Abertas nas Rutas do
Viño de Galicia que este ano se celebran nas fins de semana do 31 de maio e 1
de xuño (Rías Baixas e Ribeiro) e 6 de xuño e 7 de xuño (Monterrei, Ribeira
Sacra e Valdeorras).
A presentación en Compostela, que dará comezo ás 20:00h,
contará coa presenza de responsables de Turismo de Galicia e das distintas
Denominacións de Orixe, que detallarán os contidos das Xornadas deste ano e que
xa se poden consultar neste enlace.
No evento deste luns 26 ofrecerase unha degustación dos
viños das diferentes Denominacións e culminará coa actuación de aCadaCanto,
conxunto de referencia da música galega actual e integrado por grandes nomes do
folk da nosa Comunidade.