Campus de cociña infaltil de Hostelería de Compostela

Co obxectivo de axudar a fomentar a nosa cultura gastronómica e propiciar a conciliación da vida laboral e familiar, Hostalería Compostela organiza, por segundo ano consecutivo o Campus de Cociña Infantil Comphostelería, que se desenvolve por quendas semanais, entre o 23 de xuño e o 18 de xullo.

19 nenos e nenas entre 6 e 12 anos participan na primeira quenda deste campus no Centro de Formación e Cultura Gastronómica

Entre as 9 e as 14.30 os cativos desenvolven diariamente un completo programa de actividades que promove o coñecemento da nosa cultura gastronómica e dos produtos de tempada ao tempo que aprenden a cociñar e a identificar e manipular os alimentos básicos da alimentación, os seus nomes e propiedades que os fan beneficiosos.