O Diario Oficial de Galicia (DOG) publica hoxe
a Orde da Consellería do Medio Rural e do Mar pola que se convocan as eleccións
para a renovación dos órganos de goberno do Consello Regulador da Denominación
de Orixe Mexillón de Galicia. As eleccións terán lugar, segundo o calendario
establecido, o domingo 7 de decembro.
Nestes comicios elexiranse un total de 18
vogais do Consello que á súa vez votarán o presidente e vicepresidentes do
organismo. Destes vogais, 6 son en representación do subsector produtor, 6 das
empresas comercializadoras, 4 dos centros de depuración e ou expedición e
empresas comercializadoras de mexillón fresco e 2 das empresas de
transformación.