A Consellería de Cultura, Educación e Ordenación
Universitaria, o C.R.D.O. Ribeiro e AGADIC presentarán mañá, 17 de
outubro, ás 17.30 horas a xornada de
Focus Galicia en Ourense, que está incluída na feira profesional das músicas do
mundo, WOMEX. A presentación terá lugar no Centro Cultural Marcos Valcárcel de
Ourense.
Ao acto asistirá o Conselleiro de Cultura, Educación e
Ordenación Universitaria, Xesús Vázquez Abad, o presidente do C.R.D.O. Ribeiro,
Miguel Ángel Viso Diéguez, o director da AGADIC, Jacobo Sutil, o asesor de
Política Cultural da Deputación de Ourense, César Fernández e o músico que
participará nunha das xornadas, Daniel “Minimalia”. O acto pecharase cunha
interpretación dun tema á guitarra da man do músico e un brinde con viño do
Ribeiro.