A Xunta de Galicia, a través de Turismo de
Galicia, participa na feira especializada en turismo de congresos EIBTM que se
celebra entre os días 18 e 20 de novembro na cidade de Barcelona. Deste xeito, Turismo de Galicia dedicalle
tres xornadas a promover a comunidade galega como destino no principal certame
nacional da industria do turismo de negocios, centradas nunha contorna estritamente
profesional.
Un ano máis, Turismo de Galicia participará
na EIBTM cun mostrador dentro do stand que presenta a entidade de promoción
turística de España, Turespaña.
Ademais da presenza de Turismo de Galicia,
o recinto da comunidade galega terá como coexpositores ás entidades e empresas
Santiago de Compostela Convention Bureau, Turismo da Coruña, Palexco, OPC
Galicia, Abramar DMC, DMC Galicia e O Pazo de Congresos de Santiago, que xunto
ao oferta global do turismo de negocios promoverán as súas de xeito individual.