 |
| Cigarróns de Verín |
O Entroido é por definición a festa máis subversiva do ano.
Unha festa na que os costumes se relaxan, os roles se inverten e un pode rir de
todo. O Entroido galego é ademais unha
celebración de longa tradición popular, sobre todo na provincia de Ourense.
Oito carnavais galegos exhiben con orgullo a cualificación
oficial de "Festa de Interese Turístico" e máis de 175 municipios de
Galicia declararon festivo o Luns ou Martes de Entroido ou o Mércores de Cinza.
Unha celebración por todo o alto á que calquera se pode unir.
 |
| Pantallas de Xinzo |
Co marchamo de Festa de Interés Turístico Nacional temos o Entroido
de Verín e o de Xinzo de Limia, ambos na provincia de Ourense; ademais
están declarados Festa Galega de Interés Turística o Entroido de Cobres, en
Vilaboa (Pontevedra); o de Laza (Ourense); o Entrolido dos Felos de Maceda, en
Maceda (Ourense); o dos Xenerais do Ulla; o de Viana do Bolo –coincide coa
festa da androia- e o Folión Tradicional do Entroido de Manzaneda, tamén na provincia ourensana.
Hai tamén outra lei que se cumpre estritamente: a dos
banquetes gastronómicos. Porque en Galicia o Entroido acompáñase sempre dunha
boa mesa. Unha cociña de gorentosos pratos, perfecta para reparar forzas, que
ten como protagonista o porco e de acompañantes as patacas, os grelos e os
garavanzos. De sobremesa, filloas, orellas, bica; e de remate, un bo licor
café.