 |
| Santuario de Fátima |
Turismo de Galicia participa no III Workshop
Internacional de Turismo Relixioso que celebrase na cidade portuguesa de Fátima
do 20 a 23 de febreiro. Organizado por ACISO -Asociación
Empresarial Ourém-Fátima-, en colaboración co Municipio de Ourém e co apoio de
Turismo de Portugal e de Turismo do Centro de Portugal e baixo o título
“Turismo Relixioso – Novas Respostas a Novos Desafíos”, o workshop está dirixido a operadores
turísticos de mercados internacionais tan relevantes como Brasil, España,
Irlanda, Italia, Polonia, India, Indonesia, Corea do Sur, Filipinas e Colombia,
entre outros.
Deste xeito, daranse cita neste
workshop os operadores turísticos, tanto nacionais como internacionais, os axentes
de viaxe e hoteleiros, entre outros empresarios do sector do turismo,
especialmente vinculados ao turismo relixioso. A celebración do encontro ten como
obxectivo promover contactos comerciais entre os participantes e concienciar da
importancia do turismo relixioso no contexto do sector turístico mundial.