A oferta
galega de turismo de congresos estará ao alcance dos principais operadores
turísticos franceses, grazas á presenza de Turismo de Galicia no Salón Meedex,
unha das citas feirais máis importantes de Francia na que os promotores de
turismo entran en contacto cos operadores turísticos especializados.
Así, Turismo
de Galicia participa no Carrousel du Louvre, en París, neste encontro
especializado en turismo de reunións, congresos e viaxes de incentivo, no que
se realizan contactos cos principais axentes do mercado francófono europeo.
Trátase dun
workshop organizado en colaboración coa Oficina de Turismo de España en París,
no que Turismo de Galicia desenvolverá más de 50 xuntanzas cos operadores
especializados en viaxes corporativas ao tempo que se informará aos visitantes
que se acheguen ao evento das da oferta turística galega neste ámbito.
Así, durante
este ano, ademais de participar neste Salón Meedex en París, Galicia estará
presente en certames como IMEX de Frankfurt ou TTG Incontri en Rimini, así como
a nivel nacional na feira EIBTM de Barcelona. A iso hai
que engadir a asistencia de Galicia a workshops especializados en convencións e
incentivos, como ConfecRed e The Meetings Space Spring (mercado británico), Ace
of Mice, TTG Italia Rd Show (mercado italiano), Full Contact (mercado
italiano), The Meeting Space Autum (mercado francés).