O Balneario de Lugo acolleu a presentación deTermagal, un proxecto que conta coa colaboración de
Turismo de Galicia e que constitúe unha ferramenta de xestión médica e documentación
que permitirá a estandarización dos procesos de asistencia médica nos
balnearios de Galicia.
Segundo explicou na presentación a directora de Turismo de
Galicia Nava Castro, este software permitirá a homoxeneización da recollida
de historias clínicas de pacientes e, polo tanto, facilitará a súa xestión. Neste senso, Nava afirmou que “con
Termagal a proposta de servizos de saúde revalorizarase grazas a monitorización
dos casos atendidos e dos resultados
obtidos”.
A responsable de Turismo da Xunta sinalou que
trátase dun gran avance que potenciará a
atracción e a fidelización dos usuarios nos balnearios de Galicia. “Termagal
supón un empuxe fundamental para continuar consolidando Galicia como destino
termal de referencia”, resaltou.