Guadalupe Gómez, presidenta da IXP Pan Galego: "O noso pan xa era recoñecido pola súa calidade pero faltáballe o DNI"

Guadalupe Gómez Franco, da panadería Fraga, en Palas de Rei, é a presidente da nova IXP Pan Galego, cuxo consello regulador foi const¡ituido recentemente. Con ela falamos: 

-¿Qué supón para o pan galego a IXP? 

-É algo moi importante, xa que o noso pan xa gozaba dun prestixio recoñecido pola súa calidade pero faltáballe o DNI. Trátase de diferéncialo e protexelo. 

-¿Qué requisitos hai que cumprir para poder estar acollidoa á IXP? 

-Son varios. Utilizar trigo autóctono como mínimo nunha porcentaxe do 25%, e logo o proceso de elaboración, con amasados e fermentacións longas, a utilización de masa nai, que non é outra cousa que o formento de tada a vida, e unha boa cocción. En definitiva, materia prima e elaboración. 

-¿Cantas panderías, produtores de trigo e muiños están adscritos á IXP? 

-O consello regulador foi constituido hai pouco tempo e estamos a recibir as pertinentes solicitudes. A IXP está comezando o camiño, pero o selo vai amparar todo o proceso, é decir sementa, recolección, moenda e forno. 

-¿Ademais de protexer ao pan galego, vai contribuir ao asentamente de poboación no rural ao darle máis valor ao noso trigo? 

-Efectivamente, ao regular a porcentaxe de trigo autóctono vai darle máis valor a este cereal que, deste xeito, será máis rendible para os agricultores o que debería incentivar ás novas xeracións. 

-¿Pan Galego vai rivalizar con Pan de Cea o ambos se complementarán? 

-¿Rivalizar?, para nada, totalmente complementarias e orgullosos de ser a única Comunidade autónoma con dúas IXP que contribuirán a darle máis valor ao noso pan.