O Centro do Viño da Ribeira Sacra de Monforte de Lemos acollerá a entrega de premios do Cume Tapas Erótico o vindeiro venres día 5 de agosto ás 19:00 h. A delegación da zona sur da Asociación Provincial de Empresarios de Hostalería e Turismo de Lugo (Apehl) entregará os premios aos gañadores elixidos polo xurado popular e os sorteados entre todos aqueles que entregaron os pasaportes e cupóns debidamente selados.
Os seguidores do certame outorgáronlle a vitoria á tapa “Ofigochorréme”, presentada polo establecemento Adega de Carlos. A segunda tapa máis votada foi a do MC, denominada “Goza do Rabo”, mentres que o terceiro posto foi para Confitería Moure, con “Volaván Ardente”.
Todas aquelas persoas agraciadas terán que acudir este día para recollelos. En caso de non poder asistir, gardarase o premio para volver a sortealo o próximo ano.