Pontevedra consolídase como un referente nacional en sustentabilidade co seu impulso á "transición verde" no sector turístico

 

A Deputación de Pontevedra e Turismo Rías Baixas consolídanse como referente internacional en materia de sustentabilidade. O Pazo provincial acolleu onte a xornada “Greentour: Economía Circular e Turismo Sostible en Destinos do espazo SUDOE”, un encontro no que autoridades, entidades e persoal técnico de diversas zonas turísticas de Europa avaliaron os resultados destes dous anos de implantación da iniciativa comunitaria, que ten por obxectivo reducir a pegada ambiental da actividade turística sobre o territorio e implantar sistemas de xestión máis eficientes.