O Municipio de Ponte de Lima promove o próximo fin de semana, os días 18 e 19 de marzo, a Feira 100% Agrolimiano, no Pavillón de Feiras e Exposicións da vila. A inauguración do evento será presidida polo Secretario de Estado da Agricultura, Eng.º Gonçalo Rodrigues.
O obxectivo desta iniciativa é mostrar, divulgar e promover o mellor que se produce no sector agroalimentario de Ponte de Lima, sendo esta unha das áreas que máis se ten desenvolvido nos últimos anos, debido a unha maior valorización por parte dos empresarios dos recursos endóxenos, creando así novos postos de traballo e xurdindo novos negocios, con produtos innovadores e de excelente calidade.
Durante os dous días de duración do evento, serán presentados e expostos varios produtos producidos ou transformados no concello, tales como mel, sidra, viño verde, embutidos e afumados,froitas, produtos hortícolas, carne, leite, entre outros, tipicamente limianos.