Turismo de Santiago amousou hoxe a cidade a un grupo de xornalistas da edición china da revista National Geographic, incluída a súa xefa de redacción, co obxectivo de elaborar unha ampla reportaxe de 14 páxinas sobre tres cidades Patrimonio da Humanidade españolas, Santiago de Compostela, Alcalá de Henares e Cuenca, que se publicará no número de outubro da revista.
Ademais, o grupo de enviados de National Geographic elaborarán tamén un documental sobre as tres cidades, que distribuirán a través da súa páxina web e das súas redes sociais, que teñen unha penetración moi importante entre os viaxeiros chineses de longa distancia interesados na patrimonio e as cidades monumentais europeas.