A consellería de Medio Rural achega á Casa de Galicia en Madrid o vindeiro luns, día 3 de xullo, o evento de promoción “Irmáns de leite”. Será un acto de exaltación da excelencia dos catro queixos galegos con denominación de orixe protexida (DOP), que son os de Arzúa-Ulloa, Cebreiro, San Simón da Costa e Queixo Tetilla. Presentaranse as súas peculiaridades e ofrecerase unha degustación destes produtos de calidade, que teñen en común a súa elaboración a base de leite galego de vacas rubia galega, frisoa, pardo alpina e os seus cruzamentos.