A Denominación de Orixe Valdeorras volve batir récords de volumen de viño vendido na campaña 2023/2024, o periodo comprendido entre os meses de agosto de ambos anos. A cifra deste exercicio acadou os 5.010.952 de litros de viño cualificado, un dato prácticamente igual á cantidade comercializada.
Tras o éxito acadado na pasada campaña, a 2022/2023, na que xa se obtiveron cifras históricas que chegaron aos 4,8 millóns de litros de viño, o listón volve a subirse de novo ao superar, por primeira vez, os cinco millóns de litros.
Así o manifestou José Ramón Rodríguez Castellanos, presidente do Consello Regulador, ao destacar que “tras o éxito do ano pasado, era moi difícil encadear dous anos de máximos históricos como os que se teñen sucedido”. Explicou ademáis que “o récord acadouse en viños de máxima calidade, como o amosan os premios e puntuacións obtidas nos consursos e guías máis prestixiosas a nivel nacional e internacional”, e que os datos “veñen a falar do bo estado da marca D.O. Valdeorras”.