oeconómica da contorna. Como vimos facendo, poñemos o foco na gastronomía e nos produtos locais como impulsores deste turismo”, expresou o vicepresidente e responsable provincial da área de TurismoXosé Regueira, quen destacou a aposta da Deputación polo sector agroalimentario: “É a nosa mellor marca turística”.
En Madrid Fusión achegará unha trintena de propostas no seu stand protagonizadas por reputados profesionais gastronómicos e produtos da provincia par refrendar a imaxe desta campaña que da continuidade á da "Pronvica que sabe". A área de Turismo da Deputación, dirixida por Xosé Regueira, ofrecerá un amplo abano de actividades que irán desde os showcookings e as masterclasses pasando polos relatorios, as catas e, por suposto, as degustacións.
Os chefs Luis Veira (Árbore da Veira, A Coruña), Beatriz Sotelo (Illas Gabeiras, Ferrol), Fabián Mouzo (O Camiño Fala, Mazaricos) e Álvaro Victoriano (Peculiar, A Coruña) exhibirán a súa cociña en directo compartindo programación cos produtores San Isidro Bakery (Bergondo); Algas Mar de Ardora (Ortigueira); Bonilla a la Vista (A Coruña); Ternura Empanadas (A Coruña); A Conserveira (Ribeira); A Despensa d’Lujo (Carballo); Chichalovers (Santiago); Cafés Aruba (A Coruña) e Galmesán (Arzúa).
Ademais, o catador Luis Paadín ofrecerá relatorios e catas durante os tres días, e Hélio Loureiro, xefe de cociña, gastrónomo e investigador portugués, impartirá tres showcookings diferentes baseados na preparación de peixes. A presenza do profesional luso non é casualidade, pois a Deputación da Coruña acudirá este ano con Matosinhos como destino convidado, dentro da colaboración que se pechou no 2024 entre a institución provincial e a Cámara de Matosinhos no eido da promoción turística e gastronómica.