A IXP Ternera Gallega e a IXP Vaca Galega-Boi Galego regresaron á feira gastronómica Madrid Fusión con dous talleres que puxeron en valor as posibilidades culinarias das pezas de vacún menos coñecidas. Más de 75 persoas asistiron aos obradoiros; un deles, como parte do programa oficial da feira e o outro, enmarcado nas actividades do stand da Xunta de Galicia.
Dentro das diferentes categorías comercias das dúas IXP, estas actividades centráronse nas carnes certificadas de Vaca Galega e de Ternera Gallega Suprema Ecolóxica, a procedente de becerros menores de dez meses, que se alimentan do leite materno como mínimo ata os sete, e que conta coa dobre certificación do Consello Regulador de Ternera Gallega e do CRAEGA.
O chef Héctor López, do Restaurante España (Lugo), conduciu ao público de ambos obradoiros a través dunha viaxe gastronómica con seis pratos, desde elaboracións en cru ata receitas de prancha e ao forno, e de vacún maior tamén amosou varias pezas interesantes para a grella incidindo na importancia de saber empregar cada peza para o uso culinario axeitado.
Arrincou co seu afamado steak tartar (‘Premio ao Mellor Steak Tartar no Forum Gastronómico de Girona 2023’), innovando no corte escollido para a súa preparación, xa que empregou a man de diante (espaldilla), cando este prato se fai habitualmente co solombo.