A Asociación Provincial de Empresarios de Hostalería e Turismo de Lugo (Apehl) levará a cabo a Gala Provincial da Hostalería Lucense o vindeiro luns 31 de marzo no restaurante Louzao, de Viveiro. O evento, xa habitual na axenda anual da Apehl, ten lugar cada ano nun punto da provincia e nesta ocasión viaxa a unha das localidades estratéxicas da Mariña lucense.
Durante a gala, a Apehl fará entrega dos premios Toda unha vida nos fogóns e reunirá a distintas autoridades, así como provedores e profesionais do sector.Previamente á celebración da Gala Provincial da Hostalería Lucense, a sede da Apehl en Lugo acollerá o día 20 de marzo a súa Asamblea xeral e electoral.